3. september 2010 11:35

HREINSUNARÁTAK!

Föstudaginn 3. september gerðu nemendur og starfsmenn stutt hlé á hefðbundnu starfi sínu og fóru út til að hreinsa lóð skólans. Allt rusl var sett í poka og stéttir sópaðar. Það blés hressilega enda komu menn rjóðir í kinnum aftur inn með pokana misúttroðna.

 Gleðin fólst í þeirri staðreynd að öll berum við ábyrgð á því að ganga vel um og henda ekki rusli á víðavangi. Við erum stolt af því að starfa í skóla þar sem umhverfið, jafnt innan dyra sem utan, er í hávegum haft.