Innritun í framhaldsskóla fyrir haustönn 2013
Forinnritun nemenda í 10. bekk verður 11. mars til 12. apríl
Forinnritun nemenda í 10. bekk (fæddir 1997 eða síðar) hefst mánudaginn 11. mars og lýkur föstudaginn 12. apríl. Nemendur fá bréf frá Námsmatsstofnun með veflykli að innritunarvef og leiðbeiningum afhent í grunnskólunum. Foreldrar/forráðamenn nemenda fá bréf í pósti frá Námsmatsstofnun með upplýsingum um innritunina. Fjölbrautaskólinn í Garðabæ og Mennta- og menningarmálaráðuneytið hvetja nemendur í 10. bekk eindregið til að taka þátt í forinnrituninni.
Ný námskrá
Nýnemar í FG hefja nám samkvæmt nýrri námskrá sem byggð er á lögum um framhaldsskóla frá 2008 og tekin var upp haustið 2012. Hægt er að sjá námsbrautir hér.
Innritun annarra en 10. bekkinga verður 4. apríl til 31. maí
Innritun eldri nemenda (fæddir 1996 eða fyrr) sem ekki eru nú í framhaldsskóla eða ætla að skipta um skóla hefst miðvikudaginn 4. apríl og lýkur fimmtudaginn 31. maí. Umsækjendur sækja um með veflykli, upplýsingar um veflykla má fá hér.
Lokainnritun nemenda í 10. bekk verður 4. maí til 10. júní.
Nemendur í 10. bekk hafa frest til sækja um nám í framhaldsskóla eða breyta umsóknum úr forinnritun til miðnættis mánudaginn 10. júní. Einkunnir þeirra verða sendar rafrænt frá grunnskólum til framhaldsskóla eftir skólaslit.
Starfsbrautir fyrir fatlaða
Rafrænni innritun á starfsbrautir lauk 28. febrúar sl. Þeir sem hafa ekki nú þegar sótt um geta enn um sinn sótt um rafrænt. Stefnt er að afgreiðslu allra umsókna á starfsbrautir fyrir lok apríl.
HG-hópur
Við inntöku í HG-hóp er horft til meðaltals einkunna í íslensku, ensku, stærðfræði og hæstu einkunnar í grein sem tengist umsóknarbraut. Nánari upplýsingar um HG hópinn má fá hér.
Forgangur vegna búsetu
Umsækjendur úr Garðabæ njóta ákveðins forgangs við innritun á bóknámsbrautir og framhaldsskólabraut.
Ekki er horft til búsetu varðandi hönnunar- og markaðsbraut, listnámsbraut og íþróttabraut.
Við mat á einkunnum er horft til meðaltals einkunna í íslensku, ensku, stærðfræði og hæstu einkunnar í grein sem tengist umsóknarbraut.
Aðrar upplýsingar
Innritunin er rafræn og fer fram hér. Leiðbeiningar um innritun má fá hér.
Inntökuskilyrði á brautir í FG má sjá hér.
Hagnýtir tenglar eru hér til hliðar. Einnig er hægt að fá frekari upplýsingar í skólanum hjá námsráðgjöfum og stjórnendum.
Uppfært 4. mars 2013