Vorönnin byrjaði með ýmsum vettvangsferðum hjá listnámsnemum.  Áfanginn MHL113 í myndbandagerð fór í heimsókn til RÚV og skoðaði allt mögulegt sem viðkemur upptökum. Lokaáfanginn á myndlistarbraut fór í Gallerí I8 og skoðaði sýningu Ragnars Kjartanssonar og fengu nemendur áhugaverða fræðslu um gallerírekstur.

Það er gaman frá því að segja að frægasti kvikmyndaleikstjóri Íslands um þessr mundir, Baltasar Kormákur, kom í heimsókn til FG í dag og ræddi m.a. kvikmyndagerð við fjölmiðlafræðinema. Kvikmynd hand hans Contraband hefur slegið í gegn, en þar er að finna stjörnur á borð við Mark Wahlberg og Kate Beckinsale.

Nemendafélag NFFG stendur fyrir keilumóti í Keiluhöllinni í kvöld kl.20.30. Sex eru saman í liði og er þátttökugjald kr. 1000, sem greiðast skal á skrifstofu NFFG.

Keila er vinsæl íþrótt og gerðar hafa verið frábærar kvikmyndir um þetta, t.d. Kingpin og The Big Lebowski, þar sem allar aðalpersónurnar eru miklir áhugamenn um keilu.