Reglur um skóladansleiki á vegum
Fjölbrautaskólans í Garðabæ.

1.   Skóladansleikir eru haldnir á ábyrgð skólameistara og undir umsjón skólameistara
      og skólaráðs.

2.   Skóladansleikir eru eingöngu auglýstir í FG.

3.   Aðgöngumiðar eru eingöngu seldir í FG. Aðgöngumiðar skulu númeraðir og skráð
      hverjir kaupa miða og fyrir hvern. Lista með   nöfnum gesta  með kennitölum þeirra
      og símanúmerum skal skila til félagsráðunautar eða forvarnafulltrúa áður en
      dansleikur hefst.

4.   Hver nemandi má bjóða með sér einum gesti sem ekki er nemandi í skólanum.  Ef
      starfsmenn á dansleiknum þurfa að hafa afskipti af gestinum fær hann ekki að
      sækja fleiri dansleiki á vegum skólans og sá nemandi sem gekkst í ábyrgð fær ekki
      að ganga í ábyrgð fyrir fleiri gesti.

5.   Engar vínveitingar eru leyfðar né meðferð áfengis og annarra vímuefna.

6.   Nemendum, sem koma undir áhrifum áfengis eða annarra vímuefna, er ekki hleypt
      inn á dansleiki skólans. Ölvun ógildir miða.

7.   Starfsmenn skólans hafa samstundis samband við heimili þeirra nemenda sem
      þarf að hafa afskipti af vegna áfengis eða annarra vímuefna.

8.   Þurfi starfsmenn að hafa afskipti af nemanda sem er undir áhrifum á skóladansleik
      munu félags- og forvarnafulltrúi taka máls hans til meðferðar svo skjótt sem auðið
      verður. Beita má viðvörun og takmörkun þátttöku nemanda í félagslífi skólans.

9.   Umsjón með gæslu er í höndum félags- og forvarnafulltrúa.

10. Skóladansleikir utan skóla eru leyfðir að hámarki tveir á haustönn og þrír á vorönn.

11. Skóladansleikir eru leyfðir til kl. 01.00. Hætt er að hleypa inn kl. 23.00.

12. Sameiginlegir skóladansleikir með öðrum skólum eru ekki leyfðir.

13. Skóladansleikir utan höfuðborgarsvæðisins eru ekki leyfðir.

14. Skóladansleiki má halda í Urðarbrunni með samþykki skólaráðs.

15. Skóladansleikir á vegum NFFG eru reyklausir.