Útskrift stúdenta á vorönn 2012 fer fram í hátíðarsal FG, Urðarbrunni, laugardaginn 19.maí. Athöfnin verður með hefbundnu sniði og hefst kl. 11.00.

Einkunnaafhending fer fram á miðvikudaginn (16.4) kl. 13.00 og prófsýning þar á eftir. Myndin hér að ofan tengist þessu kannski ekki beint en er athyglisverð útgáfa af látnu poppgoði, málað af einhverjum nema í FG. Skólinn er jú fullur af list og lokaverkefnum um þessar mundir.

Útskriftarnemar dimmiteruðu að venju föstudaginn 27.apríl. Upp úr klukkan 9.20 fóru að streyma skringilega klæddar og litum skrýddar verur að skólanum. Skömmu síðar fylltist skólinn af gleði og glaumi. Nemendum var smalað niður á sal, leikið var með kennara og skólameistara, sungið og trallað. Að skemmtun lokinni héldu svo útskriftarefnin út í vorið á vit ævintýranna.