Íþróttabraut fæddir fyrir árið 2005

Markmið brautarinnar er að nemendur öðlist góða almenna þekkingu á sviði íþróttafræða, hafi fræðilega og verklega undirstöðuþekkingu í kennslu og þjálfun íþrótta fyrir börn og unglinga. Nemendur þekki grunn ýmissa íþróttagreina og geta miðlað honum áfram.

Námsmat
Námsmat er fjölbreytt og felst meðal annars í ritgerðum og ýmsum verkefnum, prófum, jafningjamati og sjálfsmati.

Reglur um námsframvindu
Nemandi þarf að ljúka 202 einingum til að ljúka stúdentsprófi. Námstíminn er að meðaltali 9-12 annir. Lágmarkseinkunn er 5,0 í öllum áföngum.

Hæfniviðmið
Að loknu námi skal nemandi hafa hæfni til að ...

• takast á við háskólanám í íþróttafræði og heilbrigðisgreinum.
• greina hvað felst í líkamlegu og andlegu heilbrigði.
• gera sér grein fyrir gildi þess að temja sér heilbrigðan lífsstíl.
• geta tekið þátt í umræðu um málefni tengd íþróttum og íþróttafræði.
• lesa og greina ýmsar niðurstöður rannsókna.
• gera sér grein fyrir mikilvægi umhverfisins í víðum skilningi s.s. virðingu fyrir umhverfinu og hvernig nýta/njóta megi umhverfisins með tilliti til líkamsræktar.
• afla sér upplýsinga og þekkingar á skipulagðan og gagnrýninn hátt hvort sem er einn eða í samvinnu við aðra.
• miðla upplýsingum bæði skriflega og munnlega á skýran og skilmerkilegan hátt.
• vitna í upplýsingar í samræmi við reglur um meðferð heimilda.
• bera ábyrgð á sjálfum sér og eigin námi.
• skilja og geta tjáð sig á íslensku jafnt sem erlendum tungumálum.
• sýna frumkvæði og beita sköpun við lausn flókinna verkefna.

 Umsögn nemanda: Blær Hinriksson