Velkomin í FG

Bókasafn


Bókasafnið er gegnt inngangi skólans. Um er að ræða nýstárlegt bókasafn með vinnuaðstöðu, friðarstofu og sköpunarsmiðju. Sjá nánar

Fartölvur í námi


Í skólanum er lögð áhersla á upplýsingatækni og fjölbreytta kennsluhætti og gert er ráð fyrir því að nemendur séu með fartölvur í skólanum. Á bókasafni skólans eru tölvur til útláns í neyðartilvikum.

Hvernig tölvu á ég að koma með í skólann? | Fjölbrautaskólinn í Garðabæ

Heimasíða skólans


Á heimasíðu skólans www.fg.is er er að finna allar helstu upplýsingar um skólann, námið, þjónustu og félagslífið. FG er einnig á Facebook og Instagram og mikilvægt að fylgjast með þar.

FG á Facebook FG á Instagram

Hraðtafla

Fyrsta skóladag á hverri önn er notuð svokölluð hraðtafla. Hún virkar þannig að allir áfangar þeirrar eru kenndir á einum degi þann dag og því verða tímasetningar aðrar en venjulega. Nánari útskýringar má finna á heima síðu. Hér er hraðtaflan.

Inna


Fjölbrautaskólinn í Garðabæ notar kennslukerfið Innu, www.inna.is og eru stundatöflur, námsáætlanir og bókalistar aðgengilegir þar sem og allar upplýsingar sem lúta að náminu. Námsáætlanir og bókalista er einnig að finna á heimasíðu skólans. Mikilvægt er að skoða Innuna á hverjum degi. Nemendur eru þurfa líka að setja mynd af sér inn á Innu.

Mötuneyti nemenda


Mötuneyti nemenda er á jarðhæð skólans og þar er hægt að kaupa fjölbreytta fæðu og einnig er góð aðstaða til að borða nesti.
Skólinn býður nemendum upp á frían hafragraut alla virka daga kl. 10:15 fyrir þá nemendur sem koma með sitt eigið ílát. Aðrir geta keypt klippikort í mötuneytinu.

Slóð á matseðil og verðskrá mötuneytis.

Mætingar og veikindi

Góð mæting er mjög mikilvæg ef námið á að ganga vel. Tilkynna þarf veikindi fyrir kl. 11:00 samdægurs á hverjum degi í gengum Innu. Nemendur fá fjarvistir fyrir fyrstu tvo daga veikinda. Ef veikindadagar eru fleiri þarf að skila inn staðfestingu frá foreldum. Eyðublað er á skrifstofu skólans og á heimasíðu skólans. Í lok hverrar annar geta nemendur sótt um niðurfellingu þessara veikinda ef mæting er mjög góð fyrir utan veikindi.

Náms- og starfsráðgjafar

Við skólann starfa tveir náms- og starfsráðgjafar í fullu starfi. Þeir hafa aðsetur á A-gangi skólans.

Hlutverk þeirra er að veita nemendum aðstoð í málum sem tengjast námi þeirra, náms- og starfsvali og lífinu almennt. Náms- og starfsráðgjafar standa vörð um velferð nemenda og eru málsvarar þeirra og trúnaðarmenn og bundnir þagnarskyldu. Þeir þurfa þó að rjúfa trúnað ef velferð nemanda er stefnt í hættu. Náms- og starfsráðgjöfum er óheimilt að veita forráðamönnum upplýsingar um nemendur sem eru 18 ára og eldri nema með skriflegu leyfi þeirra. Nemendur með námsörðugleika þurfa að ræða við námsráðgjafa og senda inn greiningar eða staðfestingu til námsráðgjafa á rafrænu formi í upphafi fyrstu annar til þess að hægt sé að veita þá þjónustu sem í boði er.

Panta tíma hjá námsráðgjöfum hér.

Náms– og starfsráðgjafar skólans eru:

  • Auður Sigurðardóttir audur@fg.is
  • Rósa Siemsen rosa@fg.is
  • Dagný Broddadóttir (í námsleyfi skólaárið 2026-27)

Nemendafélag FG

Nemendafélagið

Notendanafn, lykilorð og fleira

Hér er slóð á tölvuþjónustuna

Skápaleiga


Nemendur geta leigt skápa á skrifstofu skólans fyrir 1500 kr. Nemendur þurfa sjálfir að koma með lás.

Skólagjöld


Skólagjöld eru innheimt með greiðsluseðli sem fer í heimabanka forráðamanna fyrir nemendur yngri en 18 ára. Greiðsla á skólagjöldum er staðfesting á skólavist. Efniskostnaður bætist við einstaka áfanga.

Smiðja


Öllum nemendum er boðið upp á smiðjutíma í flestum námsgreinum. Smiðjutímarnir koma fram á stundatöflu nemenda. Í smiðju gefst nemendum kostur á að fá frekari aðstoð við nám sitt í fámennari hópum. Fagkennari er til staðar og leiðbeinir hverjum og einum nemanda með þá þætti sem hann þarf aðstoð með. Hverjum og einum nemanda er frjálst að mæta í smiðju þegar honum hentar en skólinn hvetur alla nemendur til að nýta sér þetta góða aðgengi að kennurum til að ná enn betri árangri í námi.

Skrifstofa


Skrifstofa skólans er opin alla virka daga frá kl. 8:00-15:30. Sjá nánar

Umsjónarkennari


Nemendur eru með sama umsjónarkennara fyrstu annirnar. Á fyrstu önn hittir umsjónarkennari nemendur einnig í lífsleiknitímum og leiðbeinir þeim með það sem snýr að skólanum og náminu.