Velkomin í FG

Fyrstu dagarnir

Mánudagurinn 19. ágúst kl. 10:00 – Nýnemakynning

Þriðjudagurinn 20. ágúst – skóli samkvæmt stundatöflu

Miðvikudagurinn 21. ágúst kl. 17:30 – fundur fyrir forráðamenn nýnema


Gagnlegar upplýsingar

Inna
Fjölbrautaskólinn í Garðabæ notar kennslukerfið Innu www.inna.is og eru stundatöflur, námsáætlanir og bókalistar aðgengilegir þar sem og allar upplýsingar sem lúta að náminu. Námsáætlanir og bókalista er einnig að finna á heimasíðu skólans. Mikilvægt er að skoða Innuna á hverjum degi.

Heimasíða skólans
Á heimasíðu skólans er er að finna allar helstu upplýsingar um skólann, námið, þjónustu og félagslífið www.fg.is . FG er einnig á Facebook og Instagram og mikilvægt að fylgjast með þar.

FG á Facebook      FG á Instagram
 

Fartölvur í námi
Í skólanum er lögð áhersla á upplýsingatækni og fjölbreytta kennsluhætti og gert er ráð fyrir því að nemendur séu með fartölvur eða spjaldtölvur í skólanum. Á bókasafni skólans eru tölvur til útláns ef þörf krefur.

Umsjónarkennari
Nemendur eru með sama umsjónarkennara fyrstu annirnar. Á fyrstu önn hittir umsjónarkennari nemendur í lífsleiknitímum og leiðbeinir þeim með það sem snýr að skólanum og náminu.

Náms- og starfsráðgjafar
Náms- og starfsráðgjafar eru með skrifstofur á A-gangi, við hlið bókasafnsins fyrstu dyr til hægri. Allir nemendur eru velkomnir til námsráðgjafa. Sjá nánar

Bókasafn
Bókasafnið er gegnt inngangi skólans. Um er að ræða nýstárlegt bókasafn með vinnuaðstöðu, friðarstofu og sköpunarsmiðju. Sjá nánar 

Mötuneyti nemenda
Mötuneyti nemenda er á jarðhæð skólans og þar er hægt að kaupa fjölbreytta fæðu og einnig góð aðstaða til að borða nesti. Fyrirtækið Dagar sér um mötuneytið. Sjá nánar 
Skólinn býður nemendum upp á frían hafragraut alla virka daga kl. 10:15 fyrir þá nemendur sem koma með sitt eigið ílát. Aðrir geta keypt klippikort í mötuneytinu á afar sanngjörnu verði.

Skrifstofa
Skrifstofa skólans er opin alla virka daga frá kl. 8:00-15:00. Sjá nánar

Leiga á skáp
Nemendur geta leigt skápa og sækja þarf um það á skrifstofu skólans.

Skólagjöld
Skólagjöld eru innheimt með greiðsluseðli sem fer í heimabanka forráðamanna fyrir nemendur yngri en 18 ára. Greiðsla á skólagjöldum er staðfesting á skólavist. Skólagjöld eru 16.500 á önn fyrir nýnema. Efniskostnaður bætist við einstaka áfanga.

Nemendafélaga FG