5. fundur skólaráðs - haustönn 2025

5. fundargerð á haustönn 2025, 29. október kl. 11.10

  1. Umsóknir um leyfi

    Að þessu sinni lágu 6 leyfisbeiðnir fyrir fundinum.
    Afgreiðsla umsókna um leyfi verður send á netfang viðkomandi nemanda.
    Ekki er hægt að sækja um leyfi fyrir fleiri en fimm dögum á önn.
    Leyfi vegna keppnisferða, landsliðsverkefna og þátttöku í ungmennastarfi eru afgreiddar strax en umsóknir um önnur leyfi fá ekki endanlega afgreiðslu fyrr en í lok annar.
    Samþykkt leyfisumsókna er háð því að skólasókn sé að minnsta kosti 97% fyrir utan þá 1-5 daga sem sótt er um leyfi fyrir.
    Skólinn gefur ekki leyfi á námsmatsdögum.

  2. Önnur bréf

    • Nemandi á félagsvísindabraut óskar eftir að fá metinn stærðfræðiáfanga STÆR2fj05 í stað STÆR2ts05
    • Nemandi á alþjóðabraut viðskiptasviði óskar eftir að fá metinn stærðfræðiáfanga STÆR3tl05 í stað STÆR2ts05, hefur einnig lokið STÆR2fj05.
    • Báðar umsóknirnar eru sendar kennslustjóra í stærðfræði til umsagnar.
    • Tveir nemendur óska eftir að fá ENSK1gr05 metinn sem frjálst val. Hafnað. Upprifjunaráfangar eru ekki metnir úr öðrum skólum.

  3. Af vettvangi NFFG

      • Á döfinni er:

        • Salsaball verður 4. des í Gamlabíó. Búið er ganga frá hverjir skemmta. Magnús leggur fram fjárhagsáætlun. Gert ráð fyrir einhverju tapi. Skemmtanaleyfi er í vinnslu.
        • Skíðaferð. Heildarfjöldi verða 64 og 3 kennarar.
        • Söngkeppnin verður haldin í Sjálandi, 19. janúar.
        • Hugmynd um að halda FG-Flens eftir hádegi 11. mars í tengslum við Imbrudaga.
        • NFFG ætlar að gera FG plötu þar sem hvern nefnd gerir eitt lag.
        • Árshátíðarundirbúningur er að hefjast en árshátíðin verður 12. mars. Rætt um hvar maturinn verður. Nemendur óska eftir að kennarar verði með atriði.
        • Viðburðardagatal er í smíðum og jóló-nefndin er að taka til starfa.
        • Verðandi frumsýnir barnaleikrit 1. nóvember.

     

  4. Önnur mál

    • Ungmennahús er að opna fyrir 16-25 ára í Garðabæ.
    • Berglind stingur upp á að nýnemum á alþjóðabraut sé raðað saman í umsjón. Rætt án niðurstöðu.

Fundinn sátu:

  • Anna María Gunnarsdóttir, aðstoðarskólameistari og fundarritari
  • Berglind M. Valdimarsdóttir, forvarnarfulltrúi
  • Auður Sigurðardóttir, náms- og starfsráðgjafi
  • Dagný Broddadóttir, náms- og starfsráðgjafi
  • Guðmundur Stefán Gíslason, verkefnastjóri
  • Halla Stella Sveinbjörnsdóttir, forseti NFFG
  • Ingvar Arnason, áfangastjóri
  • Kristinn Þorsteinsson, skólameistari
  • Magnús Emil Pétursson, fjármálastjóri NFFG
  • Sigrún Fjóla Hilmarsdóttir, kennari