STJÖ3as05 - Almenn stjarnvísindi

Undanfari : ÍSLE2mg05

Í boði : Vorönn

Lýsing

Í áfanganum er fjallað um uppbyggingu og þróun alheimsins. Nemendur kynnast sólkerfinu okkar, uppruna þess og þróun, sem og helstu fyrirbærum innan þess. Þá er farið ítarlega í eðli stjarna, myndun þeirra, líftíma, efnasamsetningu og þróunarferil, með sérstakri áherslu á lokastig stjarna á borð við rauða risa, hvíta dverga, nifteindastjörnur og svarthol. Jafnframt er fjallað um vetrarbrautir og stjörnuþyrpingar, gerð þeirra, flokkun og dreifingu í alheiminum. Að lokum kynnast nemendur nútíma rannsóknum í geimvísindum og helstu mæliaðferðum stjörnufræðinnar, svo sem notkun stjörnusjónauka, gervitungla og geimkanna.

Þekkingarviðmið:

Nemandi skal hafa öðlast þekkingu og skilning á:

helstu hugtökum og kenningum um uppbyggingu og þróun alheimsins og stöðu jarðar í honum
uppruna og þróun sólkerfisins og helstu eiginleikum reikistjarna, tungla og annarra smærri hnatta
myndun stjarna, eðli þeirra, efnasamsetningu og líftíma,
þróunarferli stjarna og helstu lokastigum þeirra, svo sem rauðum risum, hvítum dvergum, nifteindastjörnum og svartholum
gerð, flokkun og dreifingu vetrarbrauta og stjörnuþyrpinga í alheiminum
grunnhugmyndum að baki nútíma rannsóknum í geimvísindum og helstu mæliaðferðum stjörnufræðinnar

Leikniviðmið:

Nemandi skal geta:

notað hugtök og fræðileg líkön stjörnufræðinnar til að lýsa og útskýra fyrirbæri í alheiminum
túlkað myndir, gröf og einföld gögn úr stjarnfræðilegum athugunum og rannsóknum
nýtt einfaldar mæliaðferðir og reikniaðferðir til að bera saman stærðir, fjarlægðir og tíma í stjörnufræði
aflað sér upplýsinga um stjörnufræðileg viðfangsefni úr áreiðanlegum heimildum og metið gildi þeirra
miðlað þekkingu sinni í rituðu og/eða munnlegu máli með skýrum og rökstuddum hætti

Hæfniviðmið: