- Námið
- Þjónusta
- Skólinn
- Fjarnám
- Spurt & Svarað
Nemendur FG fóru til Noregs dagana 21.-26. janúar á vegum Erasmus+ verkefnis en FG er í samstarfi við skólana Skedsmo Videregående Skole í Lilleström og IES Nosa Senora dos Ollos Grandes í Lugo á Spáni. 12 nemendur fóru til Lugo í október og fóru 12 nemendur til Lilleström nú í janúar.
Heilmikil dagskrá fylgir slíkum heimsóknum, en nemendur gista heima hjá öðrum nemendum á meðan dvöl þeirra stendur. Meðal annars var unnið með landkynningar og samanburð á menningu á milli landanna þriggja, og var það í höndum Norðmanna að kynna gestina fyrir landi sínu og þjóð í þetta sinn.
Var því farið í langan ratleik um miðborg Osló, skíðaferð í Hafjell, heimsóknir á Munch-safnið og í "National Museum" - sem í raun er þeirra Þjóðminjasafn. Þar fyrir utan var mikið hópefli og skemmtileg stemning myndaðist á milli nemenda í ferðinni sem varð til þess að þónokkur tár féllu við kveðjustund.
Með nemendunum voru í för kennararnir Berglind Magdalena, Hilmar Þór, Íris Hvanndal og Ylfa Ösp.
Skrifstofa skólans er opin mánudaga - fimmtudaga
kl. 08:00 - 15:30, föstudaga frá kl. 08:00 - 15:00
Skólabraut 6 | 210 Garðabæ
Strætó 24 stoppar við FG
Ritstjóri: Tinna Ösp Arnardóttir
Vefstjóri: Vilhjálmur Þór Sigurjónsson