Fréttir

Útvarp Salsa komið í loftið á fm 106,5

Hið alþekkta Salsa-ball FG verður haldið á fimmtudagskvöldið í Kaplakrika í Hafnarfirði. Fólk er búið að panta tíma í "brúnkun" og hvaðeina, því enginn vill vera eins og næpa á ballinu. Upphitunin á öldum ljósvakans er einnig komin á fullt, Útvarp Salsa, fm 106,5 er komið í loftið. Tíðindamaður fg.is leit við í stúdíóinu og þar var margt um manninn, eins og sést á meðfylgjandi mynd. Það var símatími í gangi og því lítið spjallað. Ritari komst þó að því að sá með hvítu derhúfuna, er sjálfur útvarpsstjórinn, hann Andri Páll Guðmundsson. Á ballinu taka Stuðmenn, band kvöldsins, MJÖG sennilega þetta lag (frá tónleikum í Royal Albert Hall í London).
Lesa meira

Anna Lilja Atladóttir dúxaði

Fyrsta brautskráningin í nýju 3ja anna kerfi Fjölbautaskólans í Garðabæ fór fram föstudaginn 15.nóvember í Urðarbrunni. Dúx á haustönn 2019 varð Anna Lilja Atladóttir, nemandi á Alþjóðabraut, með 9.3 í meðaleinkunn og einnig fékk hún fjölda annarra verðlaun fyrir góðan námsárangur. Af þeim 45 sem útskrifuðust voru 13 af listnámsbrautum, 12 af alþjóðabrautum, 8 af félagsvísindabraut, 5 af íþróttabraut, 3 af náttúrufræðibraut, þrír af viðskiptabraut og einn af hönnunar og markaðsbraut. Einn nemandi lauk námi af náttúrufræði og listnámsbraut. Sérstök samfélagsverðlaun FG hlaut Davíð Elí Heimisson, en hann þótti skara fram úr í samskiptum og viðmóti gagnvart nemendum, kennurum og starfsmönnum skólans. Fleir myndir hér
Lesa meira

Upphaf miðannar

Þriðjudagur 12. nóvember Stundatöflur nemenda verða birtar í síðasta lagi kl. 16:00. Á sama tíma verður opnað fyrir rafrænar töflubreytingar. Miðvikudagur 13. nóvember Töflubreytingar kl. 10:00 – 12:00 og 14:00 – 16:00 Snjólaug tekur á móti nemendum sem ætla að útskrifast í febrúar til að yfirfara námsferilinn og framkvæma töflubreytinga sé þess þörf.
Lesa meira

Lið FG sigraði í spunakeppni

Þann 4. nóvember síðastliðinn fór keppnin Leiktu betur fram í Borgarleikhúsinu. Þangað mættu sex framhaldsskólar og kepptu í spuna. Spunaformið er þannig að leikarar spinna stuttar senur þar sem ekkert er fyrirfram ákveðið. Hitt Húsið heldur þessa keppni árlega og í ár kepptu Borgarholtsskóli, Flensborg, Fjölbrautarskólinn í Breiðholti, Fjölbrautarskólinn í Garðabæ, Menntaskólinn á Akureyri og Menntaskólinn við Hamrahlíð. Það er skemmst frá því að segja að lið FG sigraði í keppninni. Við óskum þeim Helgu, Halldóri, Uglu og Nataliu innilega til hamingju með sigurinn! Þjálfari liðsins var Pálmi Freyr Hauksson.
Lesa meira

Flakk á nemendum

Ýmsir hópar nemenda FG hafa verið á flakki undanfarnar vikur, bæði hér heima og erlendis. Á myndinni má meðal annars sjá tungumálahóp í París, ferð á Njáluslóðir í íslensku, útvistarferð með Petrúnu, hóp frá Tinnu og stjórnmálafræðinema hjá Gunnari í námsferð á Alþingi. Ferðir sem þessar krydda námið.
Lesa meira

Glaðir Hollendingar í heimsókn

Í september fór hópur nemenda frá FG til Amsterdam, sat kennslustundir í skólanum ásamt því að skoða staðarhætti, söfn og fleira. Í ferðinni var gist á hollenskum heimilum sem öllum fannst mjög spennandi. Í október komu svo Hollendingarnir í heimsókn til okkar nemenda. Þeir gistu hjá nemendum, fóru í skólann og ferðuðust um landið. Markmið samstarfsins er að auka víðsýni nemenda, að þeir fái innsýn í menningu og siði hver hjá öðrum sem að og koma á tengslum milli nemenda sem gætu jafnvel nýst þeim í framtíðinni.
Lesa meira

FG-Flensborg-dagurinn á föstudag

Íþróttadagurinn "FG-Flensborg" verður haldinn á föstudaginn 11.október og hefst um hádegisbilið. Þá hittast nemendur úr FG og Flensborg (Hafnarfirði) og takast á í íþróttum. Yfirleitt er hart tekist á, en heiðarlega og næstum alltaf rífandi stuð. Nemendur í FG (mest karlkyns) hituðu upp fyrir daginn í hádeginu miðvikudaginn 9.október með því að hnykla vöðvana í bekkpressu, í anddyri skólans. Og það var nokkuð hressilega tekið á því...áfram FG!
Lesa meira

Haustfrí næstkomandi mánudag, 14.október

Nú líður að lokum haustannar í nýju 3ja anna kerfi hér í FG. Haustfrí verður mánudaginn 14.október og daginn þar á eftir er námsmatsdagur. Þegar þessu er lokið eru alls 13 kennsludagar eftir, en síðasti kennsludagur á haustönn er föstudagurinn 1.nóvember. Próf hefjast síðan 4.nóvember og eru nú aðeins í þrjá daga, til og með 6.nóvember. Kennsla á miðönn hefst síðan fimmtudaginn 14.nóvember og brautskráning fer fram föstudaginn 15.nóvember. Gleðilegt frí!
Lesa meira

Próftaflan haust 2019

Próftafla fyrir haustönn 2019 er komin.
Lesa meira

Yfirvofandi loftslagsverkfall

Óhætt er að segja að loftslagsmálin séu mál málanna um þessar mundir í allri umræðu í samfélaginu og á heimsvísu. Margir hafa af þessu miklar áhyggjur, en sumir ekki. Unga fólkið tekur þessu mjög alvarlega og er það mjög skiljanlegt. Á síðustu önn var blásið til svokallaðra föstudagsmótmæla á Austurvelli og víðar um landið og voru það ungir nemendur sem báru þau uppi. Nú eru frekari mótmæli að hefjast, nánar tiltekið næsta föstudag 20.september. Á fésbókinni má finna dagskrá mótmælanna.
Lesa meira