Fundur foreldraráðs 15. apríl 2026

Fundarherbergi FG – miðvikudaginn 15. apríl 2026

Mættar:

• Berglind M. Valdimarsdóttir
• Björk Baldvinsdóttir
• Hrefna Björk Ævarsdóttir
• María Jónsdóttir
• Sigurbjörg Stefánsdóttir

Fundarritari: Berglind M. Valdimarsdóttir

1. Af fyrri fundi

   Rætt var um það helsta sem hefur verið í gangi í FG síðustu vikur. Foreldrakvöldið var sérstaklega tekið fyrir og talið hafa heppnast mjög vel.

2. Betri boðleiðir í gegnum spjallforrit

   Lagt var til að stofna samskiptahóp á Messenger fyrir foreldraráðið á næsta skólaári. Markmiðið er að einfalda og flýta fyrir samskiptum milli funda.

3. Árshátíð nemenda

   Foreldraráðið ræddi framkvæmd árshátíðar nemenda og mögulegar breytingar fyrir næsta ár.
   Helstu atriði:
   Skoða nýtt fyrirkomulag á miðasölu
   • Mögulega gæti miðasala farið fram rafrænt
   • Meta áhuga nemenda fyrir fram til að áætla fjölda gesta
   • Huga að staðfestingargjaldi til að tryggja að valinn salur rúmi alla sem vilja mæta
   • Árshátíðin á að vera fyrir alla nemendur
   • Miðasala gæti farið fram á öðrum tíma dags, t.d. eftir skólalok, til að koma í veg fyrir að nemendur skrópi í tíma til að ná sér í miða

4. Sjóður foreldra

   Staða sjóðsins er 420.000 kr.
   Forvarnarfulltrúi mun skoða áhöld og búnað til afþreyingar fyrir nemendur.
   • Þörf er á endurnýjun á ýmsum hlutum, t.d. borðtennisspöðum og boltum.
   • Foreldraráðið fær lista til staðfestingar áður en kaupin eru samþykkt.
   • Gert er ráð fyrir að verja allt að 100.000 kr. í búnað.