5. fundur skólaráðs - haustönn 2026

5. fundargerð á haustönn 21. október kl. 11.10

1. Umsóknir um leyfi

   Að þessu sinni lágu sjö leyfisbeiðnir fyrir fundinum. Afgreiðsla umsókna um leyfi verður send á netfang viðkomandi nemanda. Ekki er hægt að sækja um leyfi fyrir fleiri en fimm dögum á önn. Leyfi felur í sér undanþágu frá tímasókn en ekki námi. Leyfi vegna keppnisferða, landsliðsverkefna og þátttöku í ungmennastarfi eru afgreiddar strax en umsóknir um önnur leyfi fá ekki endanlega afgreiðslu fyrr en í lok annar. Ekki er hægt að sækja um leyfi fyrir fleiri en fimm dögum á önn. Samþykkt leyfisumsókna er háð því að skólasókn sé að minnsta kosti 97% fyrir utan þá 1-5 daga sem sótt er um leyfi fyrir.

2. Af vettvangi NFFG

   • Salsaball verður 26. nóvember í Kolaportinu. Stefán og Róbert leggja fram kostnaðaráætlun, umræður um hana og hvort mögulega ætti að fækka listamönnum um einn. Stemming verður byggð upp í vikunni áður með danskennslu, salsamat og skreytingum.
   • Umræður um staðsetningu árshátíðar og mögulegar dagsetningar. Ekkert enn ákveðið í því efni. KÞ segir að áríðandi sé að dagsetning komi sem fyrst.
   • Undirbúningur fyrir skíðaferð gengur vel, rætt um skíðakennslu, skíðaleigu og skíðapassa
   • FG - Flens gekk vel. Aðeins skorti á umgengnina sem var mjög leitt.
   • Skólaþing verður í desember. KÞ kallar eftir hugmyndum frá nemendum um hvað þeir vilji að fjallað verði um. Fundarmenn á því að helga þennan fund að einhverju leyti umræðum um forvarnir. Rætt um hraðakstur, orkudrykki, áfengis- og vímuefnaneyslu og tóbaksnotkun.

3. Önnur mál

   • Fulltrúi kennara nefnir að mæting þeirra sem eru forsvari í félagslífi nemenda sé í einhverjum tilfellum mjög slæm. Um þá gilda almennar skólareglur og þeir falla undir skólasóknarreglur skólans. Umræður um hvort því eigi að breyta.

Fundinn sátu:

• Anna María Gunnarsdóttir, aðstoðarskólameistari sem ritaði fundargerð
• Auður Sigurðardóttir, náms- og starfsráðgjafi
• Guðmundur Stefán Gíslason, verkefnastjóri
• Kristinn Þorsteinsson, skólameistari
• Kristín Helga Ólafsdóttir, áfangastjóri
• Kristín Logadóttir, kennari
• Róbert Brink, fjármálastjóri NFFG
• Rósa Siemsen, náms- og starfsráðgjafi
• Stefán Fjölnisson, varaforseti NFFG
• Tinna Ösp Arnardóttir, félagsmálafulltrúi