3. fundur skólaráðs - haustönn 2026

3. fundargerð á haustönn 23. september kl. 11.10

Umsóknir um leyfi
Að þessu sinni lágu 19 leyfisbeiðnir fyrir fundinum. Afgreiðsla umsókna um leyfi verður send á netfang viðkomandi nemanda. Ekki er hægt að sækja um leyfi fyrir fleiri en fimm dögum á önn. Leyfi felur í sér undanþágu frá tímasókn en ekki námi. Leyfi vegna keppnisferða, landsliðsverkefna og þátttöku í ungmennastarfi eru afgreiddar strax en umsóknir um önnur leyfi fá ekki endanlega afgreiðslu fyrr en í lok annar. Ekki er hægt að sækja um leyfi fyrir fleiri en fimm dögum á önn. Samþykkt leyfisumsókna er háð því að skólasókn sé að minnsta kosti 97% fyrir utan þá 1-5 daga sem sótt er um leyfi fyrir.
Önnur bréf

Nemendur sem sóttu um mat á íþróttum vegna umfangsmikilla æfinga voru 94. Af þeim fengu 67 nemendur iðkunina samþykkta en 27 fengu höfnum á umsókn.
Nemandi sem hefur undanþágu frá dönsku sækir um að fá að nota einingar úr LÍFF1gá05 í staðinn. Samþykkt en athygli vakin á að nemandi þarf átta viðbótareiningar vegna dönskunnr
Nemandi sækir um að fá íþróttaeiningar metnar af sérnámsbraut upp í stúdentspróf. Hafnað þar sem nemandi hefur ekki lokið neinum íþróttaeiningum á sérnámsbraut. Þar að auki liggur mjög misjafn tímaflöldi að baki íþróttaeininga á sérnámsbr. og stúdentsprófsbrautum.
Einn nemandi sækir um að taka EÐLI3ne05 á undan EÐLI3ra05 til að geta útskrifast á miðönn 27-28 á tveimur árum og tveimur önnum. Vísað til kennslustjóra í raungreinum til umsagnar.
Einn nemandi segir sig frá námi í FG.

Busaballið gekk vel og mjög margir tóku þátt. Á það var uppselt og mjög góð stemming.
Næsta vika er íþróttavika og dagskrá á hverjum degi. Íþróttanefnd sér um hafragrautinn að því tilefni.
Skráning í skíðaferð gekk vel og nú hafa rúmlega 100 greitt staðfestingargjaldið.
FG-Flens verður 9. október. Að þessu sinni býður FG heim. Frí verður fyrir þá nemendur sem mæta og taka þátt.
Opinn fundur verður 7. október. Þar verða nemendur í aðalhlutverki og kynna dagskrá framundan. Forsvarsfólk nemendafélagsins mun einning sitja fyrir svörum ásamt stjórnendum skólans.
Skólaþing verður í desember. KÞ kallar eftir hugmyndum hjá nemendum um hvað þeir vilji að fjallað verði um. Nokkrar hugmyndir komu upp sem dæmi skuggafélagslíf framhaldsskólans og hraðakstur.
Nemendur hafa óskað eftir að fá hengja upp stóran spegil niðri t.d. þar sem ónýtur smokkasjálfsali er staðsettur. NFFG falið að leysa málið í samráði við Stefán.
Umræður um atburð sem forsetaembættið stendur fyrir 10. október nk. Nemendafélag fær hrós fyrir að hafa tekið vel í verkefnið. Allir sammála um að margt sé óljóst varðandi viðburðinn.

Fundinn sátu: