Fréttir

Jarmið 2022: Tinna Margrét sigraði

Söngvakeppni FG, Jarmið 2022. fór fram í Urðarbrunni fimmtudaginn 10.febrúar síðastliðinn. Fjölmörg atriði voru flutt, en það atriði sem bar sigur úr býtum var flutt af Tinnu Margréti Hrafnkelsdóttur. Lóa Kolbrá Friðriksdóttir lenti í öðru sæti og Birna Berg Bjarnadóttir í því þriðja. Tinna verður því fulltrúi FG í Söngvakeppni framhaldskólanna í ár, en Tinna hefur getið sér gott orð á leiklistarsviðinu í FG, lék bæði í síðasta söngleik sem settur var upp, LEG, og sýndi einnig eigið leikverk, Pálmar, á síðasta ári.
Lesa meira

Fgallerí: Útilistaverk í nærumhverfi nemenda

Nú stendur yfir sýning á verkum nemenda hjá Sari úr SKÚL3þv05 í Fgallerí. Um er að ræða hugmyndir að útilistaverkum í nærumhverfi nemenda, sem þeir síðan unnu í þrívíddarforriti og prentuðu út í þrívíddarprentaranum á bókasafninu. Síðan bjuggu þeir til líkan af umhverfinu með útiskúlptúrnum. Sjón er sögu ríkari!
Lesa meira

Gettu betur: FG mætir FVA í sjónvarpinu á föstudaginn

FG mætir FVA (Fjölbrautaskóla Vesturlands) í sjónvarpskeppni Gettu betur á föstudagskvöldið kl. 20.00. Keppnin fer fram í sjónvarpi allra landsmanna, RÚV. Sjónvarpskeppnin hófst síðastliðinn föstudag, en þá vann Versló viðureign gegn Fjölbrautaskóla Suðurlands nokkuð auðveldlega. Þau Dagmar, Kjartan og Þráinn hafa verið við stífar æfingar að undanförnu og hafa þær gengið vel að sögn Dagmar og er létt yfir liðinu. Það skýrist því á föstudaginn hvort lið FG kemst í fjögurra liða úrslit. Allir að horfa – áfram FG
Lesa meira

Allt er vænt sem vel er grænt - FG grænn skóli

Fjölbrautaskólinn í Garðabæ hefur uppfyllt öll fimm skref ,, Grænna skrefa“ sem er verkefni ríkisstofnana sem vinna markvisst að umhverfismálum í rekstri sínum. Umhverfisstofnun sér um úttekt og utanumhald verkefnisins og er endurmat framkvæmt á tveggja ára fresti. Verkefnið er einnig hugsað sem leið til þess að virkja starfsmenn og nemendur og miðla fræðslu um umhverfis- og sjálfbærnimál.
Lesa meira

Jarmað verður 10.febrúar kl. 20.00

Söngvakeppni NFFG, Jarmið 2022, fer fram í Urðarbrunni þann 10.febrúar næstkomandi. Já, þið lesið rétt og það er að lifna yfir félagslífinu. Sá sem sigrar fer sem fulltrúi FG í Söngvakeppni framhaldsskólanna. Skráning fer fram í gegnum nffg.live@gmail.com og þangað á að senda lag og nafn (höfundar/flytjanda). Gleðilegt. Skráningu lýkur 6.febrúar en sumir stíga sín fyrstu skref á stjörnuferlinum í þessari keppni.
Lesa meira

Óánægja með stjórnvöld vegna félagslífs menntaskólanema

Þeir Kjartan Leifur Sigurðsson, varaformaður NFFG og Jón Bjarni Snorrason frá Borgarholtsskóla lýstu yfir mikilli óánægju með stjórnvöld í fréttum Stöðvar 2 þann 31. janúar síðastliðinn, aðallega vegna ástandsins í ,,ballmálum" menntaskólanema. Eins og allir vita hefur félagslíf þeirra verið mjög fátæklegt þau tvö ár sem faraldurinn hefur staðið yfir, en fréttina um þetta má sjá hér.
Lesa meira

Salsa FM komið í loftið

Það er gaman að segja frá því að Salsa FM er komið í loftið á 106.5, en það er galvaskur hópur nemenda sem ætlar að hald úti stífri dagskrá alla þessa vikuna. Meðal annars er hægt að hlusta í appi sem heitir ,,Spilarinn". Dagskrá má finna á Instagrammi aðalstjórnar NFFG. Þegar tíðindamaður fg.is leit við var það hresst "morgungengi" (mynd) sem búið var að koma sér fyrir hljóðverinu og allt komið á fullt. Útvarp er skemmtilegt!
Lesa meira

Gettur betur - átta liða úrslit klár

Dregið hefur verið í átta liða úrslitum Gettu betur, en þau fara fram í sjónvarpinu, RÚV. Þau líta svona út: 4. febrúar - Verzlunarskóli Íslands - Fjölbrautaskóli Suðurlands 11. febrúar - Fjölbrautaskólinn í Garðabæ - Fjölbrautaskólinn Vesturlands á Akranesi 18. febrúar - Verkmenntaskóli Austurlands - Menntaskólinn í Reykjavík 25. febrúar - Kvennaskólinn í Reykjavík - Menntaskólinn við Hamrahlíð. Kæmi ekki á óvart að lið FG væri sátt við þennan drátt.
Lesa meira

Gettu betur: Lið FG fer í imbakassann!

Lið FG í Gettu betur sigraði lið Tækniskólans í Reykjavík í spurningakeppni framhaldssólanna, en liðin áttust við mánudgainn 17.janúar. FG-ingar kræktu í 39 stig, Tækniskólinn náði hins vegar bara 25 stigum í hús og situr því eftir með sárt ennið. Þar með er ljóst að FG tekur þátt í átta liða úrslitu keppninnar, en þau fara fram í sjónvarpi ("imbakassanum"). Þá færist nú heldur betur fjör í leikinn og gjarnan er mikið stuð í þessum útsendingum. FG vann Gettu betur árið 2018 með mögnuðum hætti í Háskólabíói. Væri gaman að sjá hljóðnemann aftur í FG.
Lesa meira

Gettu betur: FG mætir Tæknskólanum í kvöld

FG og Tækniskólinn mætast í kvöld kl. 21.15 í spurningakeppni framhaldskólanna, Gettu betur. Keppnin fer fram á Rás 2, RÚV, www.ruv.is Allir að hlusta! Kemst FG í sjónvarpið? Áfram FG!
Lesa meira