Fréttir

Það var hress hópur nemenda sem hyggur á brautskráningu sem dimmiteraði í FG föstudaginn 6.maí síðastliðinn. Um er að ræða hóp sem telur rúmlega 100 manns, sem er með þeim stærri undanfarin ár. Tóku þau lagið í stiganum af mikilli innlifun, eins og myndin sýnir og eftir sönginn fóru þau svo að skemmta sér úti í bæ. Kennslu á vorönn lýkur miðvikudaginn 18.maí og þá hefjast próf. Brautskráning fer síðan fram laugardaginn 28.maí.

Það verður úrvalslið listamanna sem stígur á svið í Urðarbrunni næstkomandi þriðjudagskvöld, en þá verða haldnir tónleikar í tengslum við þá fordómadagskrá, sem er í gangi í skólanum. Það er ekki á hverjum degi sem tónleikar af þessari stærðargráðu fara fram í FG og því mjög ánægjulegt. Um er að ræða GDRN, Frikka Dór og Jóa P og Króla, en Jói P er stúdent frá FG. Allt tónlistarmenn í fremstu röð. Tónleikarnir hefjast kl. 20. 00 og er frítt inn. VEL MÆTT og FRÍTT INN!

FG stendur fyrir dagskrá gegn fordómum nú í lok aprílc, en fordóma er að finna víða í samfélaginu og hafa verið til mikillar umræðu upp á síðkastið. Leikarinn og fyrrum kennari í FG, Bjarni Snægbjörnsson, hóf leikinn með sýningu sinni ,,Góðan daginn faggi" sem hann sýndi nemendum þriðjudaginn 26.apríl. Byggir verkið lífreynslu hans sjálfs og hefur fengið mjög góða dóma. Dagskráin heldur áfram næstu daga og það er fleira í pípunum. Þangað til er svo bara gott að hlusta á Pollapönk.

Nemendur í fjölmiðlafræði fóru fyrir skömmu í heímsókn á Stöð 2/SÝN og kynntu sér starfsemina, Alls starfa um 450 manns hjá fyrirtækinu á Suðurlandsbraut. Það var fréttastjórinn sjálfur, Kolbeinn Tumi Daðason, sem tók á móti hópnum og rölti með FG-ingum um svæðið í skemmtilegu spjalli og fróðleik um fyrirtækið og starfsemi þess. Strax í byrjun æstust leikar, en þá þrömmuðu Steindi Jr. og Hjálmar Örn Jóhannsson fram á hópinn, en þeir voru á leið í tökur á þættinum Stóra sviðið. Gáfu þeir sér tíma til að spjalla við nemendur - og þeir voru auðvitað til í mynd (sem Gunnar Hólmsteinn Ársælsson tók). Síðar hitti hópurinn svo útvarpsfólkið Ósk Gunnarsdóttur (enginn skyldleiki við GHÁ) og áhrifavaldinn Gústa B, en hann er nýbýrjaður á FM957. Þau voru einnig alveg til í mynd. Skemmtilegt.

Stjórnendur Fjölbrautaskólans í Garðabæ eru stoltir af sínu starfsfólki og skólinn er góður vinnustaður. FG er fyrirmyndarstofnun og varð í þriðja sæti í stofnun ársins í flokki meðalstórra stofnana.

Hátíð franskrar tungu er haldin árlega af Alliance française, franska sendiráðinu og frönskukennarafélaginu, en keppni frönskunema er einn af viðburðum hátíðarinnar. Þema keppninnar í ár var ,,Le chef cuisiner à la télévision" sem fólst í því að nemendur sem stunda frönskunám bjuggu til stuttan frönskunám bjuggu til stuttan

Lið FG lauk keppni í spurningakeppni framhaldsskólanna, Gettu betur, föstudaginn 18.mars. Þá laut liðið í lægra haldi gegn MR, sem vann með aðeins fimm stigum meira en FG, 31 stigi gegn 26. Dagmar, Kjartan og Þráinn: Takk fyrir frábæra frammistöðu og góða skemmtun. Þið eruð frábær!

Söngleikurinn Grettir var frumsýndur við góðar viðtökur og fullan sal, í Urðarbrunni, fimmtudaginn 17.mars. Um er að ræða nýjustu uppsetninguna hjá leikfélagi FG, Verðandi, en leikstjóri verksins er Örn Gauti Jóhannsson, fyrrum nemandi skólans. Nú fer stykkið í almennar sýningar og miða er hægt að nálgast á Tix.is, en þar segir í kynningu: ,,Grettir Ásmundsson er strákur sem er að reyna sitt besta til að passa inn í hópinn. Þegar stelpan sem hann er ástfangin af leggur fyrir hann 3 þrautir gerir hann allt til þess að uppfylla þær. Hverjar eru þrautirnar? Að stela bjórkassa, verða massaður og verða heimsfrægur. Þetta er skemmtileg og orkumikil sýning sem inniheldur allt milli himins og jarðar... bókstaflega. Þetta er spaugileg túlkun á Grettis sögu eftir Ólaf Hauk Símonarson, Egil Ólafsson og Þórarinn Eldjárn."

Hinir svokölluðu Imbru-dagar hófust miðvikudaginn 16.mars í FG, en þá er bryddað upp á ýmsu skemmtilegu í stað náms. Það var Improv-Ísland sem reið á vaðið fyrir fullum sal með spuna og á myndinni er verið að yfirheyra Tinnu Ösp Arnardóttur, en hún ásamt Fríðu Gylfadóttur, bera hitann og þungann af skipulagi Imbru-daga. Þeir hafa ekki verið haldnir á meðan kóvidið hefur geisað og því kominn tími til. Allskonar afþreying er í boði en líka er bakað, tefld skák, farið á skauta og fjallað um alvarleg heimsmál. Dagskrá sem á að passa öllum. Öllu heila klabbinu lýkur svo með leiksýningu, árshátíð og balli á fimmtudaginn og svo sofa allir úr sér föstudaginn 18.mars.