Bjarki Freyr fékk styrk frá Háskóla Íslands

Bjarki tekur við verðlaununum, en þau veitti Silja Bára Ómarsdóttir, rektor H.Í.

Bjarki Freyr Guðmundsson, fyrrum stúdent úr FG, fékk í lok ágúst styrk úr Afreks og hvatningasjóði stúdenta við Háskóla Íslands.

Styrkurinn eru veittur nýnemum við Háskóla Íslands sem náð hafa framúrskarandi árangri í námi til stúdentsprófs og jafnframt látið til sín taka á öðrum sviðum, svo sem í félagsstörfum í framhaldsskóla eða listum og/eða íþróttum.

Bjarki stundaði nám á Félagsvísindabraut í FG og kláraði vorið 2025, en stundar nú nám í sálfræði í HÍ. Í samtali við FG.is sagði Bjarki að hann gæti hugsað sér að skoða Asíu að sálfræðinámi loknu.

En Bjarki hefur einnig áhuga á að sérhæfa sig enn frekar seinna meir og segir að klínísk barnasálfræði sé meðal þeirra sviða sem hann hafi áhuga á.

FG óskar Bjarka innilega til hamingju með verðlaunin og velfarnaðar í náminu.