FG lauk keppni í Gettu betur - féll gegn MR

Aron, Jónas og Brynja ásamt tveimur þjálfurum, en það eru reynsluboltarnir Kjartan Leifur Sigurðsson og Þráinn Gunnlaugsson. Takk fyrir okkur.

Gettur betur-lið FG; Aron, Brynja og Jónas, lauk keppni í Gettu betur síðastliðinn föstudag, þegar liðið laut í lægra haldi fyrir MR í beinni útsendingu á RÚV.

Þar með er ljóst að lið MR er komið í úrslit og einnig nokkuð ljóst að MR mun vinna þessa keppni, eiginlega ekkert annað en kraftaverk getur komið í veg fyrir það,

Núna á föstudaginn mætast svo Verkmenntaskóli Austurlands og Fjölbrautaskóli Suðurlands í seinni undanúrslitum, það lið sem sigrar, mætir því MR. En - kraftaverk hafa gerst.

Við þökkum hins vegar liði FG fyrir frábæra skemmtun og er árangurinn fínn, gengur bara vonandi enn betur að ári. Hlökkum til.

Takk fyrir allt: Aron, Brynja og Jónas!