FRAN2PA05 - París

Undanfari : FRAN1FR05

Lýsing

París og frönsk menning eru aðalviðfangsefni áfangans. Nemendur fræðast um sögu, menningu, daglegt líf og helstu kennileiti borgarinnar. Æfð eru dagleg samskipti á frönsku, nemendur afla sér þekkingar og hagnýtra upplýsinga og vinna menningartengd verkefni við undirbúning nokkurra daga ferðar til Parísar. Á meðan á ferð stendur afla nemendur sér upplýsinga fyrir verkefni sín um leið og þeir skoða borgina og kynnast mannlífi hennar. Eftir heimkomu er unnið úr þessum upplýsingum með skriflegum og munnlegum verkefnum.

Þekkingarviðmið

ýmsum þáttum í sögu og menningu Parísarborgar þ.m.t. fatahönnun og myndlist
staðháttum, skipulagi og helstu kennileitum Parísarborgar
mannlífi Parísar; daglegu lífi Parísarbúa, samgöngum og atvinnulífi
grunnorðaforða sem nýtist í algengum aðstæðum daglegs lífs í franskri stórborg
sérhæfðari orðaforða í samræmi við sérsvið (tíska/myndlist/tungumál)

Leikniviðmið

afla sér hagnýtra upplýsinga fyrir ferð og á meðan ferð stendur og vinna úr þeim á sjálfstæðan hátt
vinna með öðrum nemendum að ýmsum verkefnum
lesa mismunandi texta um sögu og menningu Parísar og geta greint aðalatriði þeirra
bjarga sér á frönsku sem ferðamaður í nokkrum mismunandi samskiptaaðstæðum
lýsa völdum minnismerkjum, listaverkum eða hönnunarsögu á frönsku og/eða íslensku
kynna staði og staðhætti munnlega á frönsku og/eða íslensku
skrifa um og segja frá upplifun ferðarinnar og athöfnum sínum á skipulegan og skýran hátt á frönsku og/eða íslensku

Hæfniviðmið

miðla upplýsingum til annarra nemenda munnlega og skriflega á frönsku og/eða íslensku
taka þátt í stuttum samtölum við innfædda á frönsku í nokkrum daglegum aðstæðum
afla sér upplýsinga á vettvangi um sérhæfð málefni
greina listrænt gildi eða hönnunarlegt samhengi þess sem skoðað er í ferðinni
gera grein fyrir reynslu sinni af ferðinni á ýmsan hátt, bæði skriflega og munnlega
miðla upplýsingum til annarra nemenda í hópnum munnlega og skriflega.

Einingar: 5