ÍÞRÓ2fi1,5 - Fimmvörðuháls

Lýsing

Áfanginn er aðeins verklegur fyrir utan bóklegan undirbúningstíma til að fara yfir búnað, undirbúning og skipulag. Markmiðið er að nemandinn fái innsýn og geti sjálf stundað útivist í náttúrunni og sé tilbúin við ólíkar íslenskar aðstæður.Stefnt er að því að nemendur fari í eina langa gönguferð (Fimmvörðuháls) ásamt einni styttri.

Þekkingarviðmið

Nemandi skal hafa öðlast þekkingu og skilning á:

• Hugtakinu útivist og gildi hennar fyrir líkama og sál.
• Skipulagningu og undirbúningi gönguferða í náttúru Íslands.
• Öryggisatriðum er varða ferðalög og útivist.
• Umgengni um náttúruna og skilning á umhverfisvitund.
• Gildi góðrar leiðsagnar og hlutverki leiðsögumanns.
• Nýtingu frítíma til útivistar.

Leikniviðmið

Nemandi skal hafa öðlast leikni í að:

• Undirbúa og skipuleggja gönguferðir.
• Meta eigin getu og styrk til fjölbreyttrar útivistar.
• Skipuleggja og nýta frítíma til útivistar.

Hæfniviðmið

Nemandi skal geta hagnýtt þekkingu sína og leikni til að:

• Lesa í landslag og meta öryggi við ástundun útivistar.
• Átta sig á ólíkri getu einstaklinga í hópi.
• Meta náttúru landsins og sýna rétta umgengni við hana.
• Skipuleggja viðburði eða ferðir fyrir lítinn hóp.

Einingar

 1,5