Fjör í rafíþróttum í FG

FG er komið á fulla fart í rafíþróttum (merkið hannaði Stefán Guðjohnsen).

Það hefur verið mikið fjör hjá hópi nemenda úr FG sem undanfarið hafa verið að keppa í rafíþróttum í fyrsta sinn í sögu skólans.

Keppnin heitir ,,Framhaldsskólaleikarnir í rafíþróttum“ (FRÍS) og keppt er í þremur tegundum leikja; Counter Strike Go, Rocket League og Valorant.

Svo vel hefur gengið hjá hópnum frá FG, sem í eru 22 keppendur, að FG er komið í sjónvarpskeppnina í einum leikjanna, Valorant.

Lið FG lenti í öðru sæti og í byrjun mars hefst útsláttarkeppnin, en hún fer fram á Stöð2 eSport.

Það er Davíð Kúld, viðskiptafræðikennari, sem séð hefur um þetta. Áfram FG!